INSULINË REZISTENCA: Çfarë Nuk Ju Tregojnë Shpesh + Strategj

Insulinë rezistenca është një gjendje ku qelizat e trupit nuk reagojnë siç duhet ndaj insulinës – hormonit përgjegjës për futjen e sheqerit nga gjaku në qeliza.
Kjo shkakton nivel të lartë të glukozës në gjak, pankreasin që prodhon gjithnjë e më shumë insulinë dhe, nëse lihet pa trajtuar, rrit rrezikun për diabet tip 2, shtim peshe, sëmundje të zemrës dhe inflamacion kronik.

A e dini?
Shumë njerëz me insulinë rezistencë ndihen të lodhur gjithë kohën, kanë oreks të shtuar për ëmbëlsira, por mendojnë se është “thjesht stresi”. Në fakt, kjo është një nga shenjat e para paralajmëruese

• Lodhje e vazhdueshme, sidomos pas vakteve
• Shtim peshe, kryesisht në zonën e barkut
• Uria e shpeshtë dhe dëshira për karbohidrate
• Lëkurë e errësuar ose me njolla në qafë, sqetulla ose nyje
• Presion i lartë i gjakut
• Nivele të larta të triglicerideve

• Marrja e tepërt e sheqernave të rafinuara dhe karbohidrateve të përpunuara
• Mungesa e aktivitetit fizik
• Mungesa e gjumit cilësor
• Stresi kronik
• Inflamacioni i heshtur në trup
• Konsumimi i ushqimit në orët e vona
• Të rënit në gjumë menjëherë pas konsumimit të ushqimit

• Sheqernat e rafinuara: ëmbëlsira, biskota, pijet e gazuara
• Karbohidratet e rafinuara: bukë e bardhë, oriz i bardhë, makarona të bardha
• Yndyrnat trans: margarina, fast food, ushqime të paketuara
• Lëngjet frutash të përpunuara: edhe pa sheqer të shtuar, rrisin shpejt glukozën
• Vaktet e kombinuara keq: proteina + sheqer në të njëjtin ushqim
• Pijet energjike dhe alkooli në sasi të larta
   

• Perime me indeks glicemik të ulët: brokoli, lulelakër, spinaq, kungull i njomë
• Burime proteinash të pastra: peshk i egër, vezë bio, gjoks pule pa lëkurë
• Yndyrna të shëndetshme: vaj ulliri ekstra i virgjër, avokado, arra, bajame
• Farat dhe erëzat anti-inflamatore: fara liri, fara chia, kanellë, shafran Indie
• Ushqime të pasura me magnez: kakao e papërpunuar, farat e kungullit
• Ushqime të fermentuara: turshi artizanale, kefir

KËSHILLË: Konsumoni një gotë ujë me 1 lugë gjelle uthull molle organike të përzier me ujë, 45 minuta para vakteve kryesore (mëngjes, drekë, darkë) – ndihmon në uljen e përgjigjes glicemike. 

Mëngjesi (07:30)

• Omletë me 2 vezë, spinaq, domate dhe kërpudha të gatuara me vaj ulliri
• 1/2 avokado
• Çaj jeshil pa sheqer
   

Mesvakti (10:30)

• 10 bajame të papërpunuara + kanellë pluhur mbi to
   

Dreka (13:00)

• Salmon i pjekur në furrë me limon dhe rozmarinë
• Sallatë jeshile me vaj ulliri , l[ng limonidhe fara susami
• Kungull i pjekur
   

Mesvakti pasdite (16:00)

• 1 kos grek pa sheqer me fara chia dhe kanellë
   

Darka (19:00)

• Gjoks pule i gatuar në tigan me vaj ulliri dhe borzilok
• Lulelakër e zier dhe e shtypur (puré) me hudhër të pjekur
• Sallatë rukola me limon

• Kombinoni karbohidratet me proteina dhe yndyrna të shëndetshme për të ulur indeksin glicemik të vakteve.
• Shmangni ushqimin 3 orë para gjumit për të rritur ndjeshmërinë ndaj insulinës gjatë natës.
• Ecje 10-15 minuta pas çdo vakti – ndihmon trupin të përdorë glukozën menjëherë.
• Merrni ekspozim diellor në mëngjes – përmirëson ritmin cirkadian dhe kontrollin e glukozës.
• Ndryshoni vajrat e gatimit – përdorni vetëm vaj ulliri, kokosi ose gjalpin bio në vend të vajrave vegjetal të rafinuar.
• Menaxhoni stresin me frymëmarrje të thellë, joga ose meditacion. Kortizoli i lartë ul ndjeshmërinë ndaj insulinës

Insulinë rezistenca nuk është dënim i përjetshëm. Me një strategji të personalizuar ushqimore dhe ndryshime të mençura në stilin e jetës, trupi juaj mund të rikthejë ndjeshmërinë ndaj insulinës dhe të ndalojë ciklin e shtimit të peshës.

Te "Equilibrium by Hana" ne krijojmë regjime të personalizuara për:

• Humbje peshe të qëndrueshme
• Përmirësim të ndjeshmërisë ndaj insulinës
• Balancim hormonal dhe energji të lartë
• Shëndet të zorrëve dhe sistemit imunitar
   

📩 Rezervoni tani një program të personalizuar – ndryshimi fillon TANI!