Gjithçka që duhet të dini mbi Mëlçinë e Dhjamosur
Mëlçia e Dhjamosur – Si ta Shëroni me Ushqyerje të Personalizuar
Çfarë është Mëlçia e Dhjamosur (Steatoza Hepatike)?
Mëlçia e dhjamosur ndodh kur qelizat e saj mbushen me yndyrë përtej normales. Kjo gjendje është gjithnjë e më e përhapur, sidomos tek personat me mbipeshë, obezitet, insulinë-rezistencë, diabet ose stil jete sedentare.
Nëse nuk trajtohet në kohën dhe mënyrën e duhur, mund të çojë në fibrozë, cirrozë ose kancer të mëlçisë.
💡 Lajmi i mirë? Mëlçia ka aftësi të rigjenerohet nëse ushqeheni në mënyrë të drejtë dhe largoni faktorët dëmtues.
Çfarë e shkakton Mëlçinë e Dhjamosur?
Mëlçia e dhjamosur (Steatoza hepatike) ka shumë shkaktarë. Gjisesi, predispozitat e zhvillimit të një mëlçie të dhjamosur janë shumë më të larta kur egziston një faktor kardiometabolik, nga konsumimi i alkoolit ose të dyja.
Shkaktarët kryesorë të mëlçisë së dhjamosur janë:
• Përdorimi i tepruar dhe në sasi të mëdha i alkoolit
• Prezenca e sindromave metabolike (insulinë-rezistencë, tension i lartë gjaku, kolesterol i lartë, trigliceride të larta)
• Diabet Mellitus Tip ll
• Mbipesha/obeziteti
• Sindroma e Ovarit Policistik (PCOS)
• Apnea e gjumit
• Hipotiroidizëm
• Hipopituitarizëm
• Inflamacioni kronik & stresi oksidativ
• Efekt anësor i përdorimit të disa terapive me medikamente të tilla si: amiodarone, diltiazem, tamoxifen ose steroide.
Roli i ushqyerjes në rigjenerimin & shërimin e mëlçisë
Një regjim i kujdesur mund të:
• Ulë depozitimin e yndyrës në qelizat e mëlçisë
• Reduktojë inflamacionin & stresin oksidativ
• Përmirësojë ndjeshmërinë ndaj insulinës
• Nxisë rigjenerimin qelizor
• Nxis humbjen e kilogramëve të tepërt
• Reduktojë enjtjen e barkut
• Eleminojë akumulimet e dhjamit abdominal
10 Këshilla Praktike për të Ndihmuar Mëlçinë të Shërohet
1. Eliminoni pijet e gazuara dhe sheqernat e rafinuar.
2. Konsumoni perime jeshile të errëta dhe brokoli çdo ditë.
3. Zgjidhni proteina kualitative: peshk, mish pule, vezë organike.
4. Konsumoni formula detoksifikuese dhe çajra bimore sipas këshillave të profesionistëve.
5. Shmangni alkoolin dhe yndyrnat e hidrogjenizuara
6. Konsumoni më shumë ujë dhe elektrolite.
7. Shtoni në rutinën tuaj të paktën 20 min ecje në ajër të pastër çdo ditë.
8. Bëni një gjumë cilësor 6-8 orarësh.
9. Fillojeni ditën me një gotë ujë të ngrohtë me lëng limoni.
10. Këshillohuni me profesionistë dhe mos ndiqni regjime të përgjithshme, të cilat premtojnë shumë por rezultojnë të pafrytshme.
Pse një dietë e personalizuar është thelbësore?
Çdo organizëm është unik.
Në Equilibrium By Hana, regjimet për mëlçinë e dhjamosur:
• Hartohen sipas analizave dhe historikut shëndetësor.
• Kombinojnë nutricionin klinik, njohuritë shkencore-mjekësore dhe një qasje natyropatike.
• Sigurojnë humbje peshe të qëndrueshme.
• Pastrojnë dhe rigjenerojnë mëlçinë natyrshëm.
• Regjimi ushqimor i personalizuar kombinohet me një regjim ushtrimor, gjithashtu të personalizuar për maksimizim të rezultateve.
Filloni sot rigjenerimin e mëlçisë
Mëlçia është “laboratori” i trupit tuaj – mos e lini të mbingarkohet.
📩 Kontaktoni Equilibrium By Hana për të marrë planin tuaj ushqimor të personalizuar që rikthen energjinë, tretjen e mirë dhe shëndetin e mëlçisë.
