Pse ushqyerja është kaq vendimtare?
Shkenca e të ushqyerit dhe natyropatike kanë treguar se duke bërë ndryshimet e duhura në dietë:
• Ul ndjeshmërisht rezistencën ndaj insulinës
• Ndihmon në stabilizimin e ciklit menstrual
• Përmirëson fertilitetin
• Ul inflamacionin kronik që e shoqëron PCOS
• Ndihmon në rënien e peshës dhe përmirëson raportin muskuj/yndyrë
Mekanizmat biologjikë që lidhen me ushqimin
1) Rezistenca ndaj insulinës: Mungesa e aktivitetit, zakonet e gabuara në ushqyerje dhe marrja e tepërt e karbohidrateve të rafinuara (bukë e bardhë, sheqer, ëmbëlsira, pije me sheqer të shtuar,) e rrit insulinën, e cila nga ana tjetër stimulon vezoret të prodhojnë më shumë androgjene.
2) Inflamacioni kronik i lartë: Ushqimet pro-inflamatore (vajra të rafinuar, fast food, mish i përpunuar, ushqimet e paketuara) mbajnë trupin nën stres metabolik, duke përkeqësuar simptomat.
3) Mikrobioma e zorrëve: Një florë e varfër bakteriale ndikon negativisht në metabolizëm dhe hormonet seksuale, duke thelluar kështu më tej simptomat dhe disbalancat.
Arrije maksimumin e mirëqënies tënde me Equilibrium By Hana!
Udhëzues ushqimor për gratë me PCOS!
1. Zgjidh karbohidratet me indeks të ulët glicemik
Quinoa, hikrra, buka me miell integral dhe fara, patate të ëmbla, bishtajore.
Kombino gjithmonë karbohidratet me proteina ose yndyrna të shëndetshme për të ngadalësuar rritjen e sheqerit në gjak.
Kombinimet e duhura ushqimore janë çelësi i menaxhimit, sidomos të insulinë rezistencës dhe inflamacionit.
Një ushqim nuk mjafton të kategorizohet si i shëndetshëm në terma të përgjithshëm, duhet të jetë i shëndetshëm në rastin e PCOS.
2. Fokus tek proteinat cilësore
Peshk i egër, vezë të freskëta, mish pule bio, mish viçi bio, thjerrëza, qiqra, farat chia, bizele...
Këto ndihmojnë në ndërtimin e masës muskulare dhe mbajtjen e metabolizmit aktiv në mënyrë të shëndetshme.
3. Yndyrna të shëndetshme për hormonet
Në yndyrnat e shëndetshme për PCOS përfshijmë: vajin e ullirit, avokadot, arrorët, farat e lirit, farat e kungullit, gjalpin e freskët.
Acidet yndyrore omega-3 kanë efekt anti-inflamator dhe ndihmojnë në rregullimin e hormoneve seksuale dhe përmirësimin e fertilitetit.
4. Pesë formula lëngjesh që mbështesin detoksin hormonal
1) Çaj mente për uljen e androgjeneve
2) Çaj i gjelbër për përmirësimin e ndjeshmërisë ndaj insulinës
3) Ujë me uthull molle, gjithashtu për përmirësimin e ndjeshmërisë ndaj insulinës
4) Ujë me limon dhe xhenxhefil në mëngjes për stimulimin e mëlçisë
5) Smoothie me fara lini, ujë dhe majdanoz për detoksifikimin e estrogjenit.
5. Shmang rreptësisht
❌️Sheqernat e rafinuara
❌️Miellin e bardhë
❌️Pijet e gazuara dhe energjike
❌️Vajrat vegjetalë të rafinuar (vaj misri, vaj luledielli industrial, vaj palme)
❌️Produkte dhe nënprodukte të sojës
❌️Ushqime të paketuara, të përpunuara dhe ultra të përpunuara
Stili i jetesës që do të bëjë mrekullinë tek ty! ✨️
Aktivitet fizik i rregullt: kombinimi i ushtrimeve me rezistencë dhe kardio. Këshilla ime profesionale është që të fillosh gradualisht, qoftë edhe sikur me një ecje 20 minuta në ajër të pastër. Por kjo duhet bërë rutinë, pasi çelësi qëndron në persistencë.
Gjumi cilësor: 1 filxhan çaj bimor sipas rekomandimeve të nutricionistes i ndjekur nga 7–8 orë gjumë, janë kombinimi vendimtar për të ulur kortizolin (hormonin e stresit).
Menaxhimi i stresit: joga, meditimi, frymëmarrja e thellë ekspozimi, në rrezatim diellor në orët e para të mëngjesit, kontakti me natyrën dhe ajrin e pastër ndihmojnë balancimin e hormoneve adrenale, gjithashtu me rol kyç në menaxhimin e stresit & inflamacionit.
Mbështetje profesionale: Trupi i një gruaje nuk është kurrë i njëjtë me trupin e një gruaje tjetër, sidomos kur bëhet fjalë për raste të tilla si PCOS. Për këtë arsye, zgjidhja dhe shërimi jot nuk vjen nga regjime apo këshilla shabllon, edhe nëse ato po funksionojnë mrekullisht për një grua tjetër. Zgjidhja për ty është një regjim i personalizuar krijuar vetëm për ty dhe specifikat e tua + monitorim i rregullt i analizave hormonale dhe metabolike sipas këshillimit të mjekes/nutricionistes.
Pse një regjim i personalizuar është vendimtar për PCOS?
Ashtu sikurse edhe e përmendëm mësipër, PCOS nuk është njësoj për të gjitha gratë — disa kanë dominancë androgjenesh, të tjera kanë rezistencë të theksuar ndaj insulinës, të tjera kanë inflamacion kronik.
Një regjim ushqimor i personalizuar nga një profesionist merr parasysh:
• Profilin hormonal
• Historinë mjekësore
• Objektivat për peshën dhe fertilitetin
• Stilin e jetesës dhe preferencat ushqimore